Pas përfundimit të aventurës në Francë ka shpërthyer menjëherë çështja e largimit të disa lojtarëve të Kombëtares kuqezi për te Kosova. Gjithmonë e më tepër shtohen zërat për Taulant Xhakën dhe Shkëlqen Gashin, duke pasur parasysh edhe faktin që të dy u “ndëshkuan” nga trajneri De Biazi pas ndeshjes me Zvicrën. Por babai i Taulantit, Ragip Xhaka, ka hedhur gjithçka poshtë, duke i quajtur thashetheme.
Arjan Peço - Por ja ku vjen edhe një zë i fortë, që e bën më të besueshëm “eksodin”. Arjan Peço, ish-lojtar i Kombëtares dhe Dinamos, aktualisht trajner i të rinjve të Bazelit, pra e njeh mjaft mirë Taulant Xhakën, ka thënë gjatë emisionit “Procesi sportiv” se shumë shpejt do të ketë zhvillime te kuqezinjtë. “Për mendimin tim, Taulant Xhaka nuk do të qëndrojë te Kombëtarja e Shqipërisë dhe do të luajë për Kosovën. Mund të jetë një hipotezë, por pas asaj që ndodhi në Europian, do të ketë lëvizje”, - ka thënë i bindur Peço. Dhe ku ka zë, s’është pa gjë.
Lexo gjithashtu
