Egnatia fitoi në shtëpi me rezultatin 4-3 përballë Erzenit. Një fitore e mundimshme, pasi Erzeni rrezikoi edhe barazimin.
Pas kësaj sfide, për mikrofonat e MCN TV, foli mesfushori i Egnatias, Albano Aleksi.
“Normalisht rëndësi kanë 3 pikët, por kemi shumë gjëra për të rregulluar. Bëmë shumë gabime në pjesën e dytë. Gjithsesi siç e thashë rëndësi kanë 3 pikët, por do të mundohemi të rregullojmë këto gabime, pasi ndeshjen mund ta mbyllnim 5-1 dhe 5-1 e jo 4-3.
Dy ndeshjet e radhës pas Korçës ne i shfrytëzuam dhe kemi 6 pikë. Partizani është kundërshtari i radhës dhe është gjithmonë pretendent për kampion, aty do të shihet forca e Egnatias.
Dwamena është tip që nuk feston ditëlindjet, por ne si çdo ekip një tortë simbolike do t’ia bëjmë. Por dhurata më e mirë për të ishin 3 pikët”, u shpreh Albano Aleksi.
Lexo gjithashtu
