Vllaznia dhe Partizani barazuan pa gola në “Loro Boriçi”. Një pikë e rëndësishme për të dyja ekipet, sidomos për “Demat” duke parë që shumicën e minutave ishin me 10 lojtarë.
Pas ndeshjes, për mikrofonat e MCN TV, foli trajneri i Vllaznisë, Migen Memelli:
“Përveç pjesës së kartonit të kuq të Partizanit, zhvillimi i lojës nuk na shkoi ashtu siç duhej. Duhet të bënim më tepër në minutat e mbetura. Futëm Smajlin i cili sapo ka ardhur nga ekipi i Shpresave me të cilët ka luajtur 100 minuta. Por që gjithsesi kur luan me një skuadër kompakte si Partizani është pak e vështirë. Qendra e Partizanit ishte e mbyllur mirë dhe ne provuam nga krahët. Por ishte një ndeshje e balancaur ku asnjëra nga skuadrat nuk i lanë mundësi njëra-tjetrës. Ky rezultat është i drejt përgjatë 90 minutave.”
-Ku mendon se çaloi Vllaznia për të fituar ndeshjen?
Gjithmonë kemi këtë vështirësitë në 30 metrat e fundit, edhe pse në dy ndeshjet e para kemi shënuar goxha. Por Partizani mbrohej me 8 lojtarë plus Bintsouka. U përpoqëm pasi djemt dhanë maksimumin për të marrë 3 pikët.
-Me 10 lojtarë dhe superioritet numerik, i’u favorizoj apo jo?
Loja do të ishte më e hapur nëse Partizani do të ishte me 11 lojtarë. Ata janë një skuadër e organizuar. Gjithsesi duhet të bënim më mirë pasi gjithmonë një lojtar i joni është i lirë. Por kur ke superioritetin numerik ke presion për rezultatin.
-Çfarë i the lojtarëve për të shfrytëzuar skemat?
Duhet të shtonim më shumë volumin në krah. Smajli është një lojtar që mban më tepër topin në këmbë. Gjithsesi e thashë se problematika e Smajlit është që ka bërë minuta me ekipin e Shpresava dhe ka risk dëmtimesh.
Lexo gjithashtu
