Laçi nuk shkoi më shumë se barazimi 0-0 me Erzenin në sfidën e javës së 19-të të kampionatit. Ky takim ishte shumë i luftuar, por asnjëra prej ekipeve nuk ia doli dot të çonte topin në rrjetë.
Për mënyrën se si shkoi ndeshja, kurbinasit mund të festojnë pikën e marrë ndaj shijakasve, pasi vendasit mbetën me 10-të lojtarë në minutën e 60-të, kur Christian Lima u ndëshkua me të dytin të verdhë dhe doli me të kuq.
Në këtë mënyrë braziliani la ekipin e tij me një lojtar më pak për më shumë se 30 minuta. Por jo vetëm kaq, pasi Lima do të mungojë në duelin e javës së ardhshme. Mirel Josa nuk do të mund të llogaritë shërbimet e tij në sfidën me Partizanin, takim që do të luhet ditën e shtunë në “Arenën e Demave” në orën 17:00.
Kujtojmë se aktualisht laçi ia ka dalë të grumbullojë 22 pikë pas 19 javësh dhe mban vendin e 6-të në tabelën e klasifikimit. Gjatë këtyre ndeshjeve kanë shënuar 22 gola dhe kanë pësuar 19 të tillë.
Lexo gjithashtu
