Sassuolo u mund sot me Salernitanën në transfertë me rezultatin 3-0. Mesfushori kuqezi Nedim Bajrami luajti për 90 minuta për ekipin e Sassuolos, por pa mundur dot ta ndihmojë ekipin të evitojë humbjen.
Pas takimit ai foli për “DAZN” ku u shpreh i zhgënjyer për disfatën. “E dimë që këtu në Salerno atmosfera është e nxehtë. E përgatitëm mirë ndeshjen gjatë javës, por pësuam shumë shpejt 2 gola. U munduam që të reagonim, por nuk arritëm që të gjenim rrugën e rrjetës.
Pozicioni ku ndihesh më mirë? Mund të luaj si në krah të majtë edhe në të djathtë, por ndihem më mirë në mesin e fushës. Zgjedhjet i takojnë trajnerit dhe unë do të bëj maksimumin sa herë që kërkohet ndihma ime.
Po has më shumë vështirësi, krahasuar me një vit më parë? I tillë është futbolli, e rëndësishme është që të jem i vetëdijshëm për cilësitë e mia dhe të stërvitem çdo ditë e më shumë.”
Lexo gjithashtu
