Hapësire reklamuese

Çështjet kryesore

ARKIVA

Kombëtarja e femrave/ Krasniqi dhe Bajramaj përpara Skocisë: Do të luajmë për fitore

Shkruar nga NEWSPORT
Kombëtarja e femrave/ Krasniqi dhe Bajramaj përpara Skocisë: Do

Ekipi ynë përfaqësues për femra do të luajë në datën 8 nëntor ndaj Skocisë, ndeshjen e radhës kualifikuese për Europianin. Takimi do të zhvillohet në "Elbasan Arena" në orën 18:00. Vajzat që drejtohen nga Armir Grima ndodhen në vendin e fundit, teksa pas tre takimeve sigurojnë zero pikë në renditje.

Në prag të ndeshjes me skocezet, në konferencën për shtyp kanë dalë sot Qëndresa Krasniqi dhe Zylifije Bajramaj. Vajzat janë shprehur optimiste për një rezultat pozitiv, pse jo edhe për fitore. "Kemi ardhur për fitore, shpresoj të japim maksimumin për këtë objektiv. Më e rëndësishme është që të paraqitemi mirë si ekip dhe uroj që në fund rezultati të jetë i mirë. Arma më e fortë është se jemi të gjithë të bashkuara me njëra-tjetrën. Jemi një grup shumë i mirë dhe besoj se kjo do na ndihmojë shumë që të paraqitemi mirë në fushë. Shpresoj të ketë një numër të madh të tifozëve, pasi na ndihmon shumë të luajmë mirë, na motivojnë", u shpreh Krasniqi për mediat e pranishme në konferencë.

Zylfije Bajramaj u shpreh: "Harmonia është e mirë dhe besoj se do të kemi rezultat të mirë këtë ndeshje. Gjithmonë jemi të bashkuara. Normal që ne kemi ardhur për fitore dhe duam tre pikët, por edhe me një barazim do të ishim të kënaqura.  Pritshmëritë për kombëtaren e femrave? Besoj se në një të ardhme do të kemi një emër dhe do të hyjmë në elitën ndërkombëtare. Besoj se do të bëjmë emër si ekipet e mëdha".

Poll

Lexo gjithashtu

Superiore - Ndeshjet

Kategoria Superiore

Itali - Serie A

Spanjë - La Liga

Angli - Premier League

Gjermani - Bundesliga