Avioni i kombëtares pritet të mbërrije sot në Rinas rreth orës 15:00. Në aeroport, kombëtarja do të pritet nga Kryeministri Rama me të gjitha nderimet ushtarake dhe Rojën e Nderit. Më pas, skuadra e kombëtares do të spostohet me një autobus të hapur drejt Tiranës ku ndalesa e parë do të jetë përpara Bashkisë së Tiranes.
[caption id="attachment_8406" align="alignleft" width="300"]
Kryeministri Edi Rama kur priste Kombëtaren pas ndeshjes kualifikuese me Armeninë[/caption]
Pikërisht aty, Kryetari i Bashkisë Erion Veliaj do t'u japë djemve të kombëtares simbolin e Tiranës, Çelësin e Qytetit. Ndalesa e dytë për kombëtaren do të jetë Ministria e Punëve të Jashtme, ku Ministri Bushati do të presë skuadrën e kombëtares, të cilët do të bëjnë edhe aplikimin për pasaportën diplomatike, premtim ky i Kryeministrit Rama. Ndalesa e tretë do të jetë në Kryeministri, ku shefi i qeverisë do të presë zyrtarisht skuadrën e kombëtares dhe ku të ftuar do të jenë edhe futbollistët më të shquar kuqezi ndër vite.
Etapa tjetër do të jetë sheshi Nënë Tereza, pikërisht "Fun Zone" nga ku qytetarët e Tiranës ndoqën me emocion ndeshjet e kombëtares. Në "Fun Zone" do të këtë një koncert madhështor me DJ dhe këngëtarë të njohur, ndërkohë që djemtë e kombëtares do të kenë mundësinë t'iu flasin sportdashësve shqiptarë nga një skenë e ngritur posaçërisht për këtë ditë. Në mbrëmje, Kryeministri Rama do të shtrojë një darkë në nder të ekipit kuqezi, ku do të marrin pjesë personalitete të larta të shtetit shqiptar dhe të Kosovës.
Lexo gjithashtu
