Mbrojtësi nigerian i Partizanit, Sodiq Atanda, ka kërkuar haptazi largimin nga Partizani. Ardhja e Malotës i ka mbyllur akoma më shumë hapësirat e tij te të kuqtë. Gjithsesi edhe para ardhjes së Malotës, futbollisti u duk që nuk bëntë pjesë në planet e trajnerit Sormani.
"Unë nuk jam futbollist stoli. Të gjithë e kanë parë çfarë kam bërë për Partizanin ndaj nuk mund ta pranoj një trajtim të tillë. Është e qartë që trajneri nuk më ka në plane, dhe këto janë gjëra që ndodhin kur ndryshohen stafet drejtuese, ndaj kërkoj largimin nga klubi", ka thënë Atanda për "Panorama Sport".
Duke u nisur dhe nga dëshira e nigerianit për t'u larguar, Partizani po mendon t'ia propozojë Kukësit si shkëmbim kokë më kokë me Gledi Micin, edhe pse diçka e tillë duket e vështirë të pranohet nga verilindorët të cilët për Micin kanë kërkuar 50 mijë euro dhe kartonin e Kalarit.
Lexo gjithashtu
