Ardit Peposhi disa ditë më parë mori leje-kalimin nga Bylisi dhe tashmë është lojtar i lirë. Në karrierën e tij Peposhi ka luajtur për Tiranën, Teutën dhe sezonin e shkuar me mallakastriotët në Superiore. Por, tashmë ai është i lirë dhe mes shumë ofertave.
[caption id="attachment_13448" align="alignleft" width="300"]
Gledi Mici[/caption]
Dy janë ofertat kryesore për të, Kukësi dhe Partizani. Të dyja skuadrat e duan për krahun e majtë të mbrojtjes. Por, ngërçi qëndron se Ardit Peposhi duhet që të presë lëvizjen e fierakut Gledi Mici ose anasjelltas. Fieraku gjithashtu luan në të njëjtin pozicion në mbrojtje, apo dhe në mesfushë.
Mici çdo ditë e më shumë flitet se do të firmosë te Partizani, madje e bëjnë çështje të mbyllur, ndërsa Kukësi për të plotësuar vendin bosh të fierakut, kanë thirrur për bisedime Peposhin. Por, të njëjtën gjë e ka bërë edhe Partizani. Ata kanë thirrur Peposhin rreth dy muaj më parë dhe si alternativë është Mici. Pra, kudo që të shkojë Gledi Mici, do të lërë vendin bosh për Ardit Peposhin, ose anasjelltas. Pra, në këtë moment klubet kanë në dorë se ku do të firmosin lojtarët.
Megjithatë, kuksiani Peposhi ka disa alternativa në Superiore, ku nuk kanë munguar ofertat për të nga klube të ndryshëm. Megjithatë, lojtari nuk ka përcaktuar ende të ardhmen, pasi është në shqyrtim të të gjitha situatave dhe dëshiron që të mos gabojë në zgjedhje.
Lexo gjithashtu
