Dita e djeshme për Apoloninë ishte programuar për një seancë stërivtore të rradhës në përgatitje të ndeshjes ndaj Besës në shtëpi. Mirëpo, seanca është anuluar për shkak të një mbledhje emergjente të papritur nga trajneri Dovedan. Tekniku ka ngritur alarmin për humbjen nga Turbina në fundjavë duke bërë një analizë të gjatë tekniko-taktike prej 90 minutash.
Dovedan u bëri thirrje lojtarëve që të mobilizohen për sfidën e vështirë ndaj kavajasve ku një tjetër humbje është e patolerueshme. Trajneri është ndalur gjatë edhe te sulmuesit të cilëve u kërkon të jenë më të qartë në zonë dhe të tentojnë më shumë ndërsa për mesfushorët u kërkoi të jenë më të sigurtë në mbajtjen e topit.
Objektivi është i qartë, zona Play-Off është mjaft e arritshme dhe klubi nuk do më rezultate negative pas një fillimi sezoni të vështirë.
Lexo gjithashtu
