
Lojtari i Atletico Madrid, Antoine Griezmann është rikthyer të flas për periudhën e largimit të tij tek Barcelona dhe rikthimin sërish tek Atletico. Francezi u largua nga Atletico në vitin 2019 për tek Barcelona.
Por aventura me katalanasit nuk ishte ashtu siç pritej për të. Ai u detyrua të kthehej sërish tek Atletico në formë huazimi në 2021 dhe verën e shkuar klubi madrilen e ribleu atë për 20 milionë euro.
Lidhur me largimin nga Atletico tek Barça ai ka folur për “Movistar”: “Largimi im i lëndoi shumë tifozët. Ata më dhanë gjithçka dhe në fund unë u largova sepse kisha nevojë. Si tifoz edhe unë do të isha shumë i zemëruar. E meritova atë zemërim.
E përula veten dhe punova për t’i rifituar. Kushdo që më njeh e di se kam nevojë për dashurinë e tyre, mbështetjen e tyre për të luajtur në nivelin më të lartë”, u shpreh Griezmann.