Te Luftëtari mbërrin edhe afrimi i fundit i merkatos së dimrit. Pedro Bengui ka zgjidhur problemet me dokumentacionin dhe ka mbërritur në Shqipëri, ndërsa dje ka zhvilluar seancën e parë stërvitore me bluzinjtë.
Përgatitjet e djeshme në kuadër të sfidës kundër Skënderbeut i ka ndjekur nga afër edhe presidenti Grigor Tavo, i cili ka qenë i shoqëruar nga shefi i klubit, Gentjan Nora.
Prezenca e numrit 1 të klubit gjirokastrit ka motivuar edhe më shumë lojtarët e Luftëtarit, ndërsa nuk përjashtohet mundësia që, bluzinjtë të shpërblehen financiarisht në rast se marrin rezultat pozitiv në Korçë.
Premiot te Luftëtari nuk kanë munguar këtë sezon nga ana e presidencës, ndërsa gjirokastritët tashmë kanë rritur me të drejtë pretendimet, pasi ndodhen në vend të 4-t në klasifikim dhe kërkojnë pjesëmarrjen në Kupat e Europës.
Lexo gjithashtu
