Andrea Agostineli është një hap larg shkarkimit nga roli i trajnerit të Skënderbeut.
Rezultatet negative në javët e fundit, loja e dobët, kontestimet e tifozëve dhe fakti që korçarët tashmë ndihen të rrezikuar nga rivalët për vendin e parë, pritet që të detyrojë presidentin Ardjan Takaj të marrë vendimin për të shkarkuar italianin nga stol i kampionëve.
Në fakt, duke parë situatën, por edhe atë çfarë deklaroi Agostineli pas humbjes ndaj Flamurtarit, largimi i tij nga Skënderbeu pritet të vijë nga momenti në moment.
"I kuptoj situatat shumë mirë. Unë kam dhënë maksimumin. Nëse do të marrin një vendim të tillë, e dinë drejtuesit e klubit. Do pres se çfarë do ndodhë, sepse në fund të fundit unë jam një i punësuar. Pas një ore, mund të ndodhë që presidenti të më telefonojë dhe të më komunikojë shkarkimin. Do presim, s'kemi zgjidhje tjetër", deklaroi pas humbjes 2-0 ndaj Flamurtarit, trajneri i korçarëve, Andrea Agostineli për Supersport.
Lexo gjithashtu
