Liridon Latifi ka dhënë një intervistë për Supersport, ku ka treguar detajet për kalimin në Hungari te Akademia Pushkash. Ai është treguar modest, por edhe i lumtur për këtë kalim, duke konsideruar si trampolinë ekipin e ri për kalimin në Europë. "Ylli" i korçarëve ka folur dhe për marrëdhënien e tij me Olainkën.
"Kam qenë në qendër të vëmendjes së mediave, normalisht sepse kam dhënë gjithçka në fushë. Lidhur me largimin tim, meanxheri është duke punuar në këtë drejtim, ka mbetur vetëm firma ime për të mbyllur gjithçka me ekipin e ri. Në fushë dua të ndihmoj skuadrën në këtë takim, pasi kam dhënë një premtim për tifozët. Na duhet fati për tu kualifikuar, pasi Dinamo është e fortë. Sa i përket Olainkës, ka qenë një futbollist i mirë, respekte, vetëm kaq. Pse u zgjodha Akademia Pushkash? Mund të kisha shkuar dhe në tjetër ekip. Më shumë kam zgjedhur anën time sportive sesa atë financiare. Nuk dua të mbetem aty, dua të shkoj largë, Akademia Pushkash është një trampolinë për mua. Ekipi im i ri është në fund të tabelës, do shkoj ta ndihmoj për të kaluar në Europë", ka thënë Latifi për Supersport në emisionin" Zona Gol".
Lexo gjithashtu
