Derbi mes Partizanit dhe Tiranës është parashikuar të luhet më 6 mars në orën 19:00. Stadiumi ku kjo supersfidë do të zhvillohet akoma ëshë pezull, pasi është kthyer në një çështje. Demat janë pritës dhe si të tillë dëshirojnë të luajnë në shtëpinë e tyre.
Por nga ana tjetër stadiumi “Partizani” nuk ka kapacitetin e duhur për të pritur tifozët në një ndeshje derbi, pasi interesi për ta parë këtë takim nga shkallët e stadiumit është i madh.
Në lidhje me këtë situatë i ftuar në emisionin “Sport Neës”, ish-trajneri i Partizanit, Dritan Mehmeti ka deklaruar se në këtë pikë të kampionatit që luhet derbi “Air Albania do të ishte plot.
“Nga ana profesionale do zgjidhja “Air Albania” për shkak të fushës dhe ambientit por edhe tifozerit kanë mundësinë të jenë të shumtë dhe të shijojmë koreografitë e tyre. T’i ndalosh tifozët të vijnë në stadium s’ka kuptim është diçka që mezi e presim.
Dëshira e drejtuesve për të luajtur në Kompleksin e ri ndoshta është njëfarë motivimi për klubin pasi do të ishte një kënaqësi ndryshe për vetë klubin pas shumë vështirësive ndër vite. Penalizohen vetëm tifozat. Në këtë situatë të sezonit, stadiumi Air Albania do të ishte plot”, ka theksuar Dritan Mehmeti.
Lexo gjithashtu
