Finalja e sezonit në Superiore do të jetë më 17 maj. Tirana pret Partizanin në "Air Albania" në orën 18:30, një sfidë që ka pushtuar gjithë futbollin shqiptar teksa ky 90 minutësh ka peshën e titullit kampion. Tirana vjen me shumë mungesa dhe pas një humbjeje ndërsa Partizani me ekipin e plotë dhe një formë të mirë.
Të gjithë presim njoftimin për shitjen e biletave nga klubi bardheblu dhe në rrjete sociale, kampionët në fuqi kanë zyrtarizuar axhendën dhe njoftojnë publikun i cili nga dita e nesërme do të mund të gjejë biletat në pikat e shitjes të stadiumeve "Air Albania" dhe "Selman Stërmasi".
Bileta më e lirë kushton 500 lekë, prapa porte, aty ku qëndrojnë edhe ultrasit ndërsa te "karshia" varjojnë nga 1000 deri 1500 lekë. Më e shtrenjta kap shifrën e 6000 lekëve në tribunën VIP.
[caption id="attachment_691830" align="alignnone" width="501"]
Çmimet e biletave në derbin Tirana - Partizani[/caption]
Lexo gjithashtu
