Tirana u mposht nga Kukësi në sfidën e javës së 19-të të Abissnet Superiore, një takim që u mbyll me shifrat 2-0. Bardheblutë humbën kështu mundësinë për të thelluar diferencën me vendin e dytë.
Por kjo nuk është e vetmja mundësi e çuar dëm, pasi verilindorët kanë lënë “thatë” edhe lojtarët e bardhebluve. Në fillim të janarit Presidenti i Tiranës kishte premtuar 25 milionë lekë premio në rast se arijnë të marrin 7 pikë në 3 sfidat e radhës.
Kampionët ia dolën të sigurojnë fitore ndaj Erzenit e Bylisit, por ngecën në transfertën e Kukësit, që do të thotë tashmë lojtarët nuk do të marrin premion e premtuar, pasi nuk siguruan as minimumin 1 pikë.
Djemtë e Orges Shehit kanë aktualisht 34 pikë dhe ndodhen në vendin e parë, +3 më shumë se Partizani që ndodhet i dyti.
Lexo gjithashtu
