Atalanta fitoi me rezultatin 0-1 përballë Veronës në kuadër të ndeshjes së javës së 6-të të Serie A italiane. Një fitore e rëndësishme për 3 pikët që mori, por një fitore e veçantë për Berat Gjimshitin. Mbrojtësi i Kombëtares shqiptare me fitoren ndaj Veronës ka arritur në kuotën e 100 fitoreve me fanellën bergamaske. Pikërisht për këtë ngjarje të veçantë për Gjimshitin është kujtuar dhe klubi italian, të cilët i kanë dedikuar një postim në rrjetet sociale. “100 fitore së bashku”, shkruan klubi i Atalantës, teksa e shoqëron dhe me foton e Gjimshitit.

 

View this post on Instagram

 

A post shared by Atalanta B.C. (@atalantabc)

Kujtojmë që 30-vjeçari u bashkua me ekipin e Atalantës nga skuadra e Zyrih në vitin 2016, por që gjatë kësaj periudhe ai është dërguar dy herë në huazim. Më saktë tek Avellino dhe Benevento, me këta të fundit mbylli huazimin në vitin 2018 duke u rikthyer tek Atalanta për tu mos u larguar më.