Darko Dodev nuk do të jetë më pjesë e ekipit të Vllaznisë. Lajmin e ka bërë të ditur vetë klubi shkodran me anë të një postimi në faqen zyrtare.
“KF Vllaznia njofton mbylljen e bashkëpunimit me futbollistin Darko Dodev. Sulmuesi 25 vjeçar dhe klubi kanë vendosur të ndërpresin me mirëkuptim kontratën mes palëve.
KF Vllaznia e falënderon Darko Dodev për kontributin e dhënë gjatë kësaj periudhe me skuadrën kuqeblu”, shkruan Vllaznia.
Kujtojmë që sulmuesi maqedonas u transferua në Shkodër në korrik të këtij viti nga ekipi i Bregalnica Stip. Vllaznia e transferoi 25-vjeçarin me parametra zero, por kontrata është ndërprerë me mirëkuptim nga të dyja palët, edhe pse nuk dihet ende pse ka ardhur kjo ‘lamtumirë’ mes lojtarit dhe klubit.
Poll
Lexo gjithashtu
