Erdenis Gurishta nuk do të jetë më një futbollist i Vllaznisë. Gati një dekadë pjesë e këtij ekipi, mbrojtësi tani do të largohet nga ngjyrat që mbajti veshur për 9 vite. Lajmin e konfirmon vetë lojtari me një postim në rrjete sociale ku përmes një shkrimi të gjatë e emocionues i jep lamtumirën klubit, tifozëve dhe qytetit. E ardhmja e tij pritet me interes të madh teksa Tirana duekt se ka dalë nga gara pasi janë pranë akordir me Albi Dokën ndërsa në Shqipëri, Partizani është një tjetër i interesuar. Megjithatë, interesi është i lartë edhe nga jashtë dhe gjithçka mbetet në dorën e lojtarit. 28-vjeçari zhvilloi plot 223 ndeshje me Vllazninë duke shënuar 6 gola e 9 asiste ndërsa në vitet e fundit ka mbajtur edhe shiritin e kapitenit.

 

View this post on Instagram

 

A post shared by Erdenis Gurishta (@erdenis_gurishta)