Skënderbeu ka zyrtarizuar ditën e sotme firmën me mesfushorin francez Arnaud Guedj, duke gjetur kështu zëvendësuesin e Eskerdinjës që nuk arriti të rikthehej në Korçë për arsye dekomentacioni.
Në këtë mënyrë kampionët kanë arritur të forcojnë skuadrën edhe me një element të ri, me 21-vjeçarin që është formuar te Nice në vendlindje, me të cilën është aktivizuar në skuadrën e dytë. Së fundmi ai ka luajtur në Ukrainë me Zirkan.
Guedj ka firmosur me Skënderbeun për një sezon, me opsion rinovimi edhe për një vit tjetër. Ai është bashkuar menjëherë me ekipin në stërvitje, duke u vendosur nën-urdhërat e trajnerit Orges Shehi.
Njoftimi i plotë i klubit të Skënderbeut:
KF Skënderbeu ka arritur të mbyllë me sukses transferimin e mesfushorit Arnaud Guedj në Korçë për sezonin e ri futbollistik.
Guedj ka mbërritur sot në Shqipëri dhe menjëherë është bashkuar me ekipin në ‘Tropikal Resort’, atje ku po vijojnë përgatitjet për transfertën e Vlorës.
21 Vjeçari Francez ka nënshkruar kontratëm që e lidh me klubin tonë për një sezon me opsion rinovimi edhe për një vit tjetër.