Enur Totre është larguar zyrtarisht nga Tirana. Është klubi bardheblu që përmes një njoftimi bën me dije arritjen e marrëveshjes me klubin ukrainas Vorskla Poltava.
Një nga lojtarët që dha kontribut të rëndësishëm në arritjen e objektivave i jep fund këtu aventurës me 26-herë kampionët e Shqipërisë. Në njoftimin e bërë në faqen zyrtare të kryeqytetasve thuhej:
“Faleminderit Ennur Totre. KF Tirana njofton transferimin e lojtarit Ennur Totre në klubin Ukrainas FC Vorskla Poltava dhe shpreh mirënjohjen për kontributin e lojtarit dhe punën e tij të palodhur.
Të lumtur që kishim në organikën tonë një lojtar me vlera që vërtetoi sërish se KF Tirana është trampolina më e mirë drejt suksesit ndërkombëtar.
Klubi, stafi dhe lojtarët i urojnë suksese të mëtejshme në karrierë”.
