Tirana ka zyrtarizuar vetëm para pak momentesh largimin e mbrojtësit Dritan Smajli. Futbollisti ka qenë në kontratë me bardheblutë edhe për një sezon tjetër por ai nuk ishte pjesë e planeve të trajnerit Ilir Daja. Pas një takimi me presidentin Refik Halili gjatë ditës së sotme, Smajli ka gjetur akordin për tu larguar me konsensus nga bardheblutë. Tek Tirana janë duke kërkuar për zëvendësuesin e tij në krahun e djathtë të mbrojtjes dhe pritet të ketë shumë shpejt një lëvizje konkrete.
“Mbrojtësi Dritan Smajli i ka dhënë sot fund qëndrimit te Tirana. Futbollisti ka zgjidhur me marrëveshje kontratën e firmosur një vit më parë. Pas një takimi me drejtuesit e klubit është gjetur akordi për të prishur kontratën që përfundonte në fund të vitit të ardhshëm. KF Tirana i uron mbrojtesit suksese në të ardhmen”, shkruhej në faqen zyrtare të klubit bardheblu.
Lexo gjithashtu
