Jurgen Goxha është lojtari më i ri i Teutës. Durrskaët kanë njoftuar së fundmi zyrtarizimin e mbrojtësit që pritet të jetë një përforcim me shumë vlera për ekipin e Martinit. Pikërisht, trajneri shkodran, deklaroi në fundin e sfidës me Rrogozhinasit se skuadra ka nevojë urgjente për një mbrojtës që ofron siguri dhe drejtuesit i kanë plotësuar dëshirën duke afruar një lojtar me eksperiencë si Goxha. Së fundmi ai ishte pjesë e Egnatias ndërsa më parë ka luajtur për fanellat e Tiranës, Bylisit, Erzenit, Besës e Shënkollit në Shqipëri ndërsa jashtë ka luajtur me Gabala dhe Sabail. “KF Teuta njofton se mbrojtësi Jurgen Goxha është zyrtarisht futbollist i skuadrës sonë! 30-vjeçari Goxha vjen tek Teuta nga kampionati ynë, ku së fundmi ishte pjesë e KF Egnatia. KF Teuta i uron mirëseardhje dhe shumë suksese me fanellën e skuadrës sonë.”-njofton Teuta në rrjete sociale. “Kënaqesi të jem pjesë e ekipit të qytetit ku jam lindur e rritur. Teuta...shpresoj të jetë një eksperiencë e bukur dhe të ndihmoj ekipin në objektivat e saj.”-janë fjalët e para të Goxhajt si lojtar i Teutës.

 

View this post on Instagram

 

A post shared by ᴋғ ᴛᴇᴜᴛᴀ (@kfteuta.official)