Christian Mba është futbollisti më i ri i Partizanit. Të kuqtë kanë njoftuar në rrjete sociale zyrtarizimin e bomberit nigerian i cili vjen si zëvëndësuesi i Xhuliano Skukës. Pesha për të është e madhe por drejtuesit e Demave besojnë se 10 gola e 5 asiste në 18 ndeshje këtë sezon me Trepçën janë një sinjal i qartë për cilësitë e 23-vjeçarit.
Mba është prezantuar në Kompleksin Partizani dhe do të vihet nën urdhërat e trajnerit Colella në stërvitje ku do të ndihmojë skuadrën në garën për titullin kampion. Lojtari ka firmosur kontratën që do ta mbajë atë në kryeqytet për 3 vite e gjysëm me opsionin për rinovimin edhe për një vit tjetër.
