Partizani ka ndërprerë bashkëpunimin me Sabit Bilalin. Mesfushori u afrua në janarin e këtij viti, ndërsa kishte kontratë të vlefshme deri në fundin e këtij sezoni. Bilali nuk mori minuta mjaftueshëm, ndërsa kjo shihet të ketë qenë dhe arsyeja përse palët ndërprenë bashkëpunimin. Në kampionat u aktivizua vetëm 3 ndeshje si titullar dhe 6 të tjera nga stoli. Ky bëhet largimi i tretë nga kampionët, pas Da Silvas dhe  Eros Grezdës. Deri tani Partizani nuk ka afruar asnjë lojtar, ndërsa në janar pritet të ketë zyrtarizime që do zëvendësojnë hapësirat e lëna. “FALEMINDERIT SABIT BILALI! Partizani njofton mbylljen e bashkëpunimit me Sabit Bilalin. Mesfushori 26 vjeçar dhe klubi kanë ndërprerë sot me mirëkuptim kontratën mes tyre. Partizani falënderon Sabit Bilalin për kontributin e dhënë me fanelën e kuqe, me të cilën fitoj edhe titullin kampion i Shqipërisë. Kënaqësi që ishe pjesë e familjes tonë të madhe FK Partizani”, shkruan Partizani.

 

View this post on Instagram

 

A post shared by FK PARTIZANI (@fkpartizani)