Erduan Smajli është lojtari i radhës që prezantohet në skuadrën e Kukësit. Përmes një njoftimi në kanalin zyrtar, klubi verilindor bën me dije arritjen e marrëveshjes me 19-vjeçarin.
I lindur në Zvicër dhe i formuar te akademia e Young Boys, ai shihet si e ardhmja e kuksianëve. Smajli ka firmosur një kontratë me Kukësin, që e lidh për 3 vitet e tjera. Në njoftimin e bërë në faqen zyrtare të verilindorëve thuhej:
“WELCOME ERDUAN SMAJLI ⚽
Futboll Klub Kukësi njofton se sulmuesi i djathtë Erduan Smajli është zyrtarisht futbollist i skuadrës sonë! Futbollisti 19-vjeçar ka firmosur ditën e sotme me klubin tonë një kontratë për 3 sezone, duke u bërë futbollisti më i ri në skuadër.
19 vjeçari nga Ferizaj, i lindur në Zvicër vjen te Kukësi nga kampionati zviceran ku së fundmi ka qenë pjesë e Chiasos teksa është një futbollist i dalë nga akademia e Young Boys. Smajli ka luajtur edhe me ekipin e moshave të Genoas në Itali.
Klubi i Kukësit i uron mirëseardhje futbollistit Erduan Ismajli dhe shumë suksese me fanellën e skuadrës sonë. Mirësevjen Erduan
Skeda e Lojtarit:
Emri: Erduan Smajli
Mosha: 19 vjeç
Gjatësia: 1.78 m
Kombësia: Shqiptar
Pozicioni: Sulmues”
Loading ...
