Jurgen Mehidri dhe Bujar Hajdari janë dy lojtarët e radhës që i janë bashkuar Vllaznisë. Në një njoftim të bërë në kanalin zyrtar të klubit lajmërohet arritja e marrëveshjes me dy futbollistët.
Shkodranët ndodhen në Bosnje, aty ku po zhvillojnë fazën përgatitore për Kupat e Europës, ndërsa drejtuesit po punojnë intensivisht për të pasuruar organikën me elementë cilësorë. Në njoftimin për mediet thuhej:
“Klubi i Futbollit Vllaznia ka kënaqësinë të njoftojë se me skuadrën në stërvitjet që ajo po zhvillon në Bosnjë- Hercegovinë, janë bashkuar edhe dy futbollistë të rinj. Bëhet fjalë për portierin Jurgen Mehidri dhe sulmuesin Bujar Hajdari të cilët do të jenë pjesë e jona për tre vitet e ardhshme.
Mirë se erdhët në familjen kuqeblu Jurgen & Bujar!”
Kujtojmë që para pak ditësh, Newsport njoftoi arritjen e marrëveshjes me portierin e Korabit, i cili la dibranët për të udhëtuar drejt Bosnjes.
Lexo gjithashtu
