Matej Cvetanoski dhe Aristoteles Romero nuk janë më lojtarë të Partizanit. Është klubi i kuq që ka zyrtarizuar largimin e dy lojtarëve.
Përmes një njoftimi në kanalin zyrtar lajmërohet se me marrëveshje i kanë dhënë fund bashkëpunimit. Cvetanoski pati pak minuta në këmbë, ndërsa Romero nuk arriti të gjente formën pas rikthimit në vendin tonë. Në njoftimin e bërë për mediet thuhej:
“FK Partizani njofton përfundimin e bashkëpunimit me Matej Cvetanoski dhe Aristoteles Romero. Të dy lojtarët të cilët u afruan në merkaton e verës kanë vendosur të ndërpresin me mirëkuptim kontratën me klubin.
FK Partizani falënderon Matej Cvetanoskin dhe Aristoteles Romeron për kontributin e dhënë gjatë kësaj periudhe me fanelën e kuqe, duke i uruar njëkohësisht shumë suksese në karrierën e tyre sportive”.
Lexo gjithashtu
