Merkato e janarit ka vënë në punë ekipet për të përforcuar organikën e tyre. Edhe në Kategorinë e Dytë kanë nisur lëvizjet e para. Vora zbulon pak më parë afrimin e parë për këtë merkato.
Fadil Meta do të jetë lojtari më i ri i voranëve. Ai luan në repartin defensiv dhe shihet si një përforcim i fortë për ekipin që synon ngjitjen në Kategorinë e Parë teksa ka luajur më parë në këtë kategori me Egnatian, Erzenin dhe Lushnjesn.
“Zyrtare! Fadil Meta është futbollisti i Vorës. Futboll Klub Vora njofton se mbrojtësi Fadil Meta është zyrtarisht futbollist i skuadrës sonë! Futbollisti 27-vjecar ka firmosur ditën e sotme me klubin një kontratë deri në vitin 2024 duke u bërë kështu futbollisti më i ri në skuadër.
Fadil Meta është aktivizuar me ekipe si Egnatia, Erzeni, Lushnja. Klubi i Vorës i uron mirëseardhjen mbrojtësit Fadil Meta dhe shumë sukses me fanellën e skuadrës sonë.”-njofton klubi.
Lexo gjithashtu
