Agustin Torasa është larguar nga skuadra e Gjilanit. Mesfushori me tipare sulmuese i ka dhënë fund aventurës së tij në Kosovë.
Argjentinasi, në një postim të bërë në rrjetet sociale, falënderon drejtuesit, ndërsa thekson se një ditë mund të kthehet sërish. Në facebook-un e tij, Torasa shkruante:
“Ju njoftoj se nga sot nuk do të jem më pjesë e KS të Gjilanit. Krenar që kam qenë pjesë e këtij klubi, falënderoj të gjithë njerëzit që punuan me mua gjatë gjithë kësaj kohe. Unë do të ruaj kujtimet më të mira. Faleminderit SC Gjilani, faleminderit tifozëve për respektin e gjithmonë dhe faleminderit Kosovë! Shpresoj të kthehem një ditë. Ju përshëndes të gjithëve! Me respekt”.
Tashmë 34 vjeçari mund të rikthehet sërish në Shqipëri. Ditët e fundit, ai është parë në Vlorë dhe nuk përjashtohet mundësia që t’i bashkohet Flamurtarit në merkaton e dimrit. Pritet me interes të shihet se cila do të jetë e ardhmja e tij. Eksperienca në vendin tonë s’i mungon pasi ka luajtur më parë me Flamurtarin, Tiranën dhe Partizanin.
[caption id="attachment_664586" align="alignnone" width="738"]
Postimi i Agustin Torasës[/caption]
Lexo gjithashtu
