Prej ditësh ishte në stërvitje, ndërsa sot klubi i Kukësit ka zyrtarizuar Numan Kurdiç. Bëhet fjalë për mbrojtësin boshnjak i cili vjen te verilindorët në formë huazimi.
Lajmi është bërë me dije nga klubi kuksian që njofton se 21-vjeçari është gati për të kontribuar në fushën e blertë.
“Numan Kurdic është zyrtarisht futbollist i Kukësit! Mbrojtësi boshnjak, vjen në formë huazimi nga klubi i FK Sarajevos dhe do të jetë pjesë e skuadrës sonë deri në fund të sezonit.
Mbrojtësi 21-vjeçar është aktivizuar së fundmi në kampionatin serb me ekipin e Novi Pazar, ndërkohë që është aktivizuar edhe me Sarajevon.
Kurdic stërvitet prej disa ditësh me skuadrën tonë, duke u njohur me ambientin dhe futbollistët, por problem ishte dokumentacioni. Së fundmi, klubi ka arritur të zgjidhë problemin dhe Kurdic do të jetë gati për ndeshjen e radhës.
Klubi i Kukësit i uron shumë suksese mbrojtësit Kurdic! Dobrodosao Kurdic🇧🇦Skeda e Lojtarit:
Emri: Numan Kurdic
Mosha: 21 vjeç
Kombësia : Boshnjak
Pozicioni: Mbrojtës”, shkruhej në njoftimin për mediet.