Erzeni ka njoftuar përmes rrjeteve sociale se ka mbyllur bashkëpunimin me 8 lojtarë. Bëhet fjalë për Sokol Kiqinan, Flavio Meqjan, Amer Dukën, Elian Çelajn, Kristi Koten, Elvis Gjonin, Edi Istrefin dhe Klodian Pjetrin. Palët kanë ndërprerë kontratën me konsensus. Revolucion ky për klubin e Erzenit, që vjen në merkaton e janarit. Mbetet për t'u parë cilët do jenë lojtarët që do afrohen. Klubi shijakas që militon në Superiore ka zgjedhur fillimin e janarit, për të larguar të gjithë lojtarët që nuk bëjnë pjesë në të ardhmen. Ndeshja e fundit në dhjetor që u fitua 1 me 2 kundër Partizanit, i dha frymëmarrje Erzenit për t'u larguar paksa nga fundi i tabelës. Aktualisht mbajnë vendin e 8 me 21 pikë, po aq sa dhe Laçi i vendit të 7. Erzeni iu bashkua sezonin e kaluar Supeiores, ndërsa ia doli të mbijetojë në elitë përmes "play-out".

 

View this post on Instagram

 

A post shared by KF Erzeni (@kferzeni)