Jo vetëm largime, por së fundmi edhe afrime te skuadra e Laçit. Klubi kurbinas ka zyrtarizuar sulmuesin anglez Ronaldo Sobowale. Lojtari spikati në Superligën e Kosovës duke arritur të shënonte 13 gola me skuadrën e Malishevës.
Ai ka firmosur një kontratë që e lidh me Laçin për dy sezonet e ardhshme. Në njoftimin e bërë në kanalin zyrtar të klubit të Laçit thuhej:
“KF Laçi njofton se ka nënshkruar me sulmuesin Ronaldo Sobowale për dy sezone. Anglezi ka spikatur në Kosovë te Malisheva, ku shënoi 13 gola sezonin e fundit dhe do të veshë fanelën tonë në vazhdim. I urojmë suksese Sobowale me fanelën bardhezi”, shkruhej në njoftimin e klubit kurbinas.
Tashmë priten me interes të shihen se cilat do të jenë lëvizjet e radhës në klubin bardhezi.
