Helvetët e kanë filluar ndeshjen e mbrëmjes më herët. Ajo do të luhet sonte, si sfida e fundit e grupit A. Federata Zviceriane e Futbollit ironizoi francezët duke u marrë shkas nga polemikat që kanë shpërthyer për juventinin Paul Pogba.
“Ej, Francë, problemi juaj nuk është Pogba, por jemi ne”, ishte mesazhi ironizues i Federatës Zvicerane të Futbollit në rrjetet sociale. Ditët e fundit Paul Pogba shkaktoi polemika të mëdha në Francë pas gjestit të tij në përfundim të ndeshjes Francë-Shqipëri, duke iu kundërpërgjigjur mediave, pas akuzës së tyre që Pogba ishte lojtari më i dobët i Francës.
