Zinedine Zidane nuk do jetë më trajner I Real Madrid sezonin e ri. Francezi i ka komunikuar lojtarëve të tij vendimin për t’u larguar në fundin e këtij sezoni. Ky do jetë largimi i dytë I trajnerit nga stoli i Galaktikëve.
Pa asnjë trofe dhe me një garë në Ligën e Kampioneve deri në gjysmëfinale, Zidane largohet duarbosh nga një sezon i çuditshëm prej pandemisë. Mediet në Spanjë bëjnë me dije se Zidane ka shprehur një lodhje, më tepër psikologjikë nga situatat dhe dëmtimet e krijuara gjatë këtij sezoni. Fakt është se Juventus është duke biseduar me trajnerin, që mund të drejtojë sezonin e ri në Serie A.