Tirana ka barazuar përballë Laçit në transfertë. Ndeshja e vlefshme për javën e 16-të të Superiores përfundoi me rezultatin 2-2.
Pas kësaj sfide, për mikrofonat e MCN TV ka folur trajneri i bardhebluve, Julian Ahmataj.
“Ishte një ndeshje me dy tabllo. Si në derbi që zhvilluam një ndeshje të mirë, edhe sot në pjesën e parë kishim një paraqitje të mirë. Mund të trefishonim rezultatin. Në futboll duhet të jeshë i përqendruar në çdo sekond që mos t’i japësh shanse kundërshtarit”, u shpreh Ahmataj.
“Skuadra në pjesën e dytë duhet të ushtronte presion më lart, ku mund të bënim sulme të rrezikshme. Euforia e pjesës së parë çekuilibroi ekipin në pjesën e dytë”, tha më tej trajneri i Tiranës.
“Në pjesën e dytë u ul agresiviteti dhe u bënë tolerant. Duhet të ishim më agresiv më të luftuar në fushën e lojës. Duhet ta mbanim kundërshtarin mbrapa si në pjesën e parë”, shtoi Ahmataj.
-Tirana të godasë dy vendet e para?
“Ne çdo ditë punojmë për tu përmirësuar dhe për të shkuar sa më lart. Nuk ka kaluar as gjysma e garës, siç kemi ne oshilacione do të kenë edhe skuadrat e tjera.”
Lexo gjithashtu
