[caption id="attachment_250385" align="alignleft" width="328"]
Realf Zhivanaj[/caption]
Doli nga ekipet zinxhirë të Tiranës dhe tashmë luan në Amerikë. Realf Zhivanaj, ish-qendërmbrojtësi i bardhebluve në sezonin 2016-2017 ka dhënë një intervistë enkas për newsport.al. 20-vjeçari, është transferuar në Amerikë prej 2 vitesh dhe tashmë tregon që luan për skuadrën e Saint Francis në New-York.
Edhe pse shumë larg Superligës, ai kurrë s'e ka humbur vëmendjen. Përkundrazi, analizon dhe jep mendimin e tij për ekipet e Skënderbeut, Kukësit dhe sigurisht skuadrën e zemrës, Tiranën. Në fund ka një dedikim special, për babain e tij, njeriun që siç thotë ai, e ka mbështetur në çdo hap që ka hedhur.
- Realf, u larguat nga Shqipëria drejt Amerikës. A mund të na tregoni si shkon karriera juaj atje?
Sapo jam transferuar në një ekip tjetër që quhet Saint Francis në Neë York dhe i përket divizionit të parë të Universiteteve. Në 5 vitet e fundit kanë fituar 4-herë kampionatin që marrin pjesë. Mendoj se karriera ime është në rritje, qëllimet janë akoma më të mëdha.
- Së fundmi jeni kthyer për pushime në atdhe. Ndërkohë është periudhë merkatoje. A ka ndonjë zhvillim të ri?
Aktualisht jam i lumtur me skuadrën që kam dhe këtu në Shqipëri po stërvitem për të qenë i gatshëm për sezonin e ardhshëm.
- Ekipi i Tiranës është kthyer në Superiore. Drejtuesit po punojnë për të përforcuar skuadrën. A ka ndonjë shkëndijë për t'iu bashkuar sërish 24-herë kampionëve të Shqipërisë?
Skuadrën e Tiranës e përgëzoj për rikthimin në Superligë pasi kanë meritë të plotë dhe i uroj sukses në kompeticionin e ri. Personalisht dhe momentalisht kam marrëdhënie shumë të mira me klubin, por asgjë më tepër.
- Sa ndryshon futbolli amerikan me këtë shqiptar?
Futbolli në Amerikë me këtë Shqipërisë ndryshon në disa elementë, por ajo që bië më shumë në sy është rëndësia dhe vlerësimi që i jepet aspektit fizik në futbollin amerikan. Futbolli në Shqipëri ka rritje dhe ngjashmëri me futbollin në pjesën tjetër të Europës.
- Këtë sezon që u mbyll e keni parë nga jashtë. Ç'mendim ke për Skënderbeun kampion dhe Kukësin që luan në Champions League?
Përtej akuzave dhe dënimeve, besoj se Skënderbeu bëri punën e tij. Dominoi në kampionatin shqiptar dhe tregoi vlerat që ajo skuadër ka brenda. Kukësi vazhdon përgatitjet në Slloveni dhe kam vënë re disa afrime dhe lëvizje në merkato. Uroj që të shkojnë sa më larg dhe pse jo të bëjnë historinë.
- Në pikëpamjen tënde, cili ekip do të jetë pretendent për titull në edicionin e ri?
Personalisht mendoj se titulli do të jetë mes Tiranës dhe Kukësit. Jam i sigurtë që ekipi i Tiranës nuk e konsideron sukses ngjitjen në Superiore dhe janë të etur për të arritur më lart. Gjithësesi është një pyetje që mund ta ketë përgjigjen më të saktë në përfundim të merkatos së verës.
- A beson se Tirana do të rikthehet në majë të elitës së futbollit shqiptar?
Mendoj dhe Besoj, të shohim Tiranën në majë të elitës së futbollit shqiptar nuk është diçka për t'u çuditur. Kush e mohon, gënjen veten.
- Meqë jemi në periudhën e Botërorit, për kë ekip bën tifo?
Duket një Botëror mjaft interesant dhe me surpriza. Personalisht mbështes Kombëtaren e Brazilit. Të kesh një komb të tërë që ka futbollin në gjak, është rrëqethëse. Edhe kombëtarja e Zvicrës shpresoj të arrijë sa më lart, arsyeja besoj dihet.
- Diçka të fundit?
Dua të përshëndes familjen time dhe në veçanti babai që më ka mbështetur në çdo hap që kam hedhur në jetë. /Retin TOKA/
Lexo gjithashtu
