Zgjedhjet për kreun e ri të Federatës Shqiptare të Futbollit do të mbahen në datën 7 shkurt të vitit 2018-të. Sipas Statutit të FSHF-së çdo klub duhet të propozojë një kandidat për president ose anëtar të Komitetit Ekzekutiv. Newsport.al raportoi mbrëmjen e djeshme se klubi i Teutës, Laçit dhe Kamzës kishin propozuar kreun aktual, Armand Dukën si kandidatin e këtyre zgjedhjeve.
Ndërsa sot mësohet se janë shtuar edhe 3 klube të tjera që kanë propozuar presidentin Duka për të garuar në zgjedhjet e 7 shkurtit. Bëhet fjalë për Skënderbeun, Vllazninë dhe Kukësin, të cilët kanë dorëzuar dokumentacionin e nevojshëm me kandidatin në fjalë. Gjithashtu bëhet e ditur që ka edhe shumë klube të kategorive inferiore të cilët kanë propozuar kreun aktual, Armand Duka. Zgjedhjet po afrohen dhe gara për dy kandidatët, Fino dhe Duka është bërë mjaft e nxehtë. /Newsport.al/
Lexo gjithashtu
