Partizani do të luajë nesër kundër Tiranës, ndeshje e vlefshme për javën e 24-të të Superiores. Kjo sfidë do të zhvillohet në stadiumin “Air Albania”, me tifozët që priten të jenë të shumtë në shkallët e këtij impianti. Ky takim ka prodhuar gjithmonë spektakël jo vetëm në fushë, por veçanërisht në shkallët e tribunave.
Partizani është pritës dhe si i tillë duhet të ketë më shumë mbështetës në këtë sfidë derbi. Interesi është i madh për koreografinë që ata kanë menduar dhe do të shpalosin. Edhe pse gjithmonë, në çdo takim është bërë maksimumi që ajo të mbahet e fshehtë, duket se këtë radhë të kuqtë janë dekonspiruar.
Në rrjetet sociale qarkullojnë postime ku tregojnë se nesër “Ultras Guerrils” do të shpalosin një banderolë gjigante ku do të ketë të shkruar: “Përjetë me Ty Partizon”. Pritet të shihet nëse kjo është thjeshtë një scoop i tifozëve të kuq apo këtë radhë ata vërtetë janë dekonspiruar. Ndeshja Partizani – Tirana është programuar të luhet nesër në orën 19:00 në stadiumin “Air Albania”.
[caption id="attachment_683141" align="alignnone" width="1290"]
Postimi në rrjetet sociale[/caption]
Lexo gjithashtu
