Skënderbeu pret nesër Dinamon e Kievit në orën 21:05, në "Elbasan Arena" për të luajtur takimin e Europa Leagues. Ndërkohë që ukrainasit e kanë marrë këtë takim si miqësore për shkak se e kanë të sigurt vendin e parë në Grupin B, Skënderbeu do të vazhdojë rregullisht me axhendën për të marrë nj rezultat pozitiv nga ky takim.
Trajneri Ilir Daja ka vendosur që të zhvillojë një seancë stërvitore në orën 16:30 në "Tropikal Resort", për tu nisur më pas drejt Elbasanit, ku në orën 19:15, së bashku me një lojtar të skuadrës, që ende nuk është zbuluar se kush do të jetë, do të dalë në një konferencë për shtyp nga stadiumi "Elbasan Arena".
Kujtojmë që ky është takimi i fundit për Skënderbeun si pritës dhe që këtë takim, korçarët do ta luajnë pa praninë e tifozëve për shkak të vendimit të marrë nga UEFA pas ndeshjes ndaj Partizanit të Beogradit.
Lexo gjithashtu
