Trajneri i Kombëtares kuqezi, Xhani De Biazi, ka festuar sot ditëlindjen e tij të 60. Ndërsa dhurata më e madhe për të ka qenë pjesëmarrja në Europianin “Francë 2016” me fanellën e Shqipërisë. Por, festën atij ia kanë bërë më të bukur lojtarët kuqezinj, drejtuesit e qytezës Perros Guierc si dhe presidenti i FSHF-së dhe ai i Federatës Franceze të Futbollit. Në fund atij i është dhënë një pllakatë mirënjohjeje si dhe një fanellë me firmat e të gjithë të pranishmëve. Në fund ai ka fryrë qirinjtë dhe ka shtërnguar duart me presidentin Armando Duka.
