Xhevahir Sukaj, sulmuesi i njohur i kampionatit shqiptar, golashënuesi më i mirë për skuadrën e kuqe, me plot 21 gola, ka shprehur dëshirën e tij për të qenë pjesë e “demave” edhe në vijim. I vendosur në Malajzi afër një skuadre, Sukaj ka shprehur gatishmërinë e tij për të luajtur përsëri me kryeqytetasit.
“Sinqerisht nuk e mendoj se mund të qëndroj këtu ne Malajzi, por megjithatë do t’ia lëmë kohës. Dhe diçka tjetër, mos harroni se Partizanin nuk e lëshoj aq lehtë sa po flitet”, është shprehur bomberi i Partizanit, duke lënë mundësinë e hapur për një rikthim të mundshëm.
