Partizani dhe Erzeni kanë zhvilluar takimin e vlefshëm për javën e 13-të të Abissnet Superiore. Ndeshja e luajtur në Niko Dovana të Durrësit, përfundoi me një fund dramatik. Ku Erzeni i rrëmben barazimin të kuqve në minutat e fundit.
Takimi i cili zgjati më shumë se 100 minuta, nuk solli fitues por një show golash nga dy ekipet. Trajneri Xhevahir Kapllani, foli për mikrofonin e Oversport mbi ndeshjen ndaj Partizanit.
Deklarata:
Ndeshja: Besoj që këto golat në finish janë si fitore. Mendoj që ekipi e nisi mirë lojën dhe e filluan me gol, vazhduan përsëri mirë por gabuam te goli i Partizanit, ishte dhe meritë e lojtarit kundërshtar. Kishim të dy ekipet rastet tona, por mendoj që Partizani do të shkojë deri në fund të kësaj gare. Loja mori disa etapa ndryshe, ku ekipet bën shumë zëvëndësime dhe çdo gjë ndryshoi. Ekipi im u hodh i gjithi para, pasi edhe Partizani kishte mundësi për të çuar në 4-1 shifrat, por faleminderit zotit që loja shkoj në këtë mënyrë.
Kampionat: Pikët janë aty dhe ne jemi në luftë për mbijetesë. Nuk ka fushë vendase apo kundërshtare. Ne do të punojmë shumë dhe do qëndrojmë me këmbë në tokë, për të vijuar këtë që kemi nisur.
Barazimi: Mendoj që jam shumë i gëzuar për pikën. Partizani gaboi në disa pika, por ne kemi bërë shumë gabime që kundërshtari mund ti shfrytëzonte.
Ritmi: Shpresojmë që ta mbajmë këtë ritëm. Po punojmë çdo ditë dhe çunat po njihen më mirë me njëri tjetrin. Kanë ardhur në një formë shumë të mirë, lufta para është e ashpër, ato janë koshient për këtë gjë. Lojtarët kanë filluar ta peshojnë mirë bluzën. Na ka penalizuar shumë dhe lojtari i 12-të (tifozët), që nuk po i kemi afër, pasi na japin shumë moral dhe përkrahja e tyre ndikon te ne.
Goli: Kadriut kam 5 javë që po i them kur do vij momenti jot? Po shkonte 5 minuta nga fundi dhe loja ishte në tension, fati i mirë që ai ia doli të realizonte.
Lexo gjithashtu
