Takimi mes Serbisë dhe Zvicrës nuk është harruar ende. Disa e mbajnë mënd nga golat e shënuar nga Xhaka dhe Shaqiri që i dhanë fitoren Kombëtares zvicerane, ndërsa për serbët ky takim ka mbetur në memorie si diçka e keqe.
Fqinjët nuk kanë harruar ende disfatën në Botëror, ndërsa së fundmi zbulohet se kanë hedhur akuza ndaj gjyqtarit të këtij takimi, Feliks Brych.
Në një artikull publikuar së fundmi nga media fqinjve, "Informer", gjyqtari i këtij takimi akuzohet se ka marrë 2 milionë euro nga mafia shqiptare për të favorizuar zviceranët në këtë takim, lajm i vështirë për tu besuar por që në Serbi është kthyer në fakt të cilin e kanë përdorur ditët e fundit.
Federata serbe ka bërë dhe një ankimim në FIFA lidhur me këtë gjë dhe pritet një përgjigje nga institucioni më i lartë i futbollit për të hedhur dritë lidhur me këtë histori që në pamje të parë duket e pabesueshme por që fjala e fundit do të thuhet nga FIFA.
Lexo gjithashtu
