Dita e sotme është një nga ditët më fantastike sa i takon futbollit shqiptarë. Në program janë për t’u zhvilluar dy takimet më interesante dhe që priten me emocion të javës së 21-të të Abissnet Superiore.
Tifozët do të “mbërthehen” para ekranit të TV apo dhe në shkallët e stadiumit për të shijuar dy nga ndeshjet ku emocioni dhe spektakli nuk do të mungojnë. Në “Niko Dovana” do të luhet derbi mes Erzenit dhe Teutës. Sfidë që do të startojë në orën 16:00. Shijakasit kërkojnë 3 pikët dhe “hakmarrjen” për eliminimin nga Kupa e Shqipërisë, ndërsa djemtë e detit duan fitoren për të lënë zonën e ftohtë.
Në po të njëjtin orar do të startojë edhe Klasikja e Shqipërisë. Dy skuadrat më e histori në futbollin shqiptar do të vihen përballë njëra-tjetrës në luftën për të vendosur diktatin e tyre. Vllaznia pret në “Loro Boriçi” Tiranan në duelin që është konsideruar shumë i rëndësishëm në garën për titullin kampion. Bardheblutë kërkojnë të “vrasin” kampionatin dhe synojnë fitoren ndaj kuqebluve, ndërsa këto të fundit duan të tregojnë forcën e tyre dhe të rihapin garën.
Gjithçka është për t’u shijuar, ku spektakli dhe emocioni në shkallët e stadiumit dhe në fushën e blertë nuk pritet të mungojnë.
[caption id="attachment_679883" align="alignnone" width="300"]
Ndeshjet e sotme ne Abissnet Superiore[/caption]
Lexo gjithashtu
