Wojciech Szczesny ishte padyshim më i miri në fushën e lojës për Poloninë në ndeshjen e mbrëmshme ndaj Argjentinës. Portieri arriti të presë një penallti ndaj Leo Messit në pjesën e parë duke mbajtur në lojë ekipin e tij.
Në fund, Argjentina fitoi 2-0 por pavarësisht humbjes, polakët vazhdojnë në raundin tjetër pasi kanë golavarazh më të mirë se Meksika. Pas ndeshjes, Szczesny tregoi një moment interesant me Messin për episodin e penalltisë.
“Fola me Messin para se të jepej penalltia. Vura bast 100 euro që arbitri nuk do ta jepte. Kështuqë, humba një bast ndaj Messit. Nuk e di nëse lejohet apo jo, me shumë mundësi do të dënohem por nuk më intereson tani. Nuk do t’ja paguaj borxhin Messit sepse ai ka shumë para.”
Poll
Lexo gjithashtu
