Trajneri i Vllaznisë, Goce Sedloski dha intervistën e tij për Oversport pas barazimit me Laçin. Tekniku maqedonas u shpreh kështu:
Çfarë të themi? Kemi luajtur kështu, me frena dore. Lojtarët ishin të stresuar, nuk kishte lojë të vërtetë por i kuptoj lojtarët. Është fundi i kampionatit dhe nuk është e lehtë për ta. Kur duhet medoems të fitosh ndeshjen, mund të ndodhë gjithçka. Ia lëshuam iniciativën Laçit dhe shënuan gol nga penalltia. Në pjesën e dytë ka qenë një ndeshje e hapur, patëm të dyja shanse për të shënuar. Rezultati është ky që është.
Kemi edhe një shans tjetër dhe të shohim. Kampionati është shumë i paqartë. Duhet të qëndrojmë dhe të ringrihemi në këto 90 minuta që kanë mbetur. Kjo ndeshje ishte e vështira, të gjitha kanë qenë finale. Unë vazhdoj përpjekjet e mia për të ngritur ekipin. Ajo që do të ndodhë në ndeshjen tjetër mes Partizanit dhe Teutës, unë e kam thënë që ne do të shohim veten tonë. Tani duhet të shplodhemi edhe psikologjikisht për t’u përgatitur për ndeshjen tjetër.
Lexo gjithashtu
