Vllaznia do të udhëtojë në transfertë për të sfiduar Kukësin, sfidë kjo e vlefshme për javën e 28-të të Superiores. Ndeshja do të zhvillohet në “Kukës Arena” ditën e dielë në orën 14:00.
Shkodranët janë skuadra e momentit në Superiore, me kuqeblutë që në vitin 2024 nuk e njohin humbjen në kampionat. Pas fitores me Skënderbeun në transfertë do të synojnë një tjetër triumph që mund t’iu japë edhe kreun e klasifikimit.
Nuk do të jetë aspak një transfertë e lehtë, pasi Qatip Osmani do të vuajë mungesën e 3 titullarëve. Ardit Krymi u ndëshkua me karton të kuq ndaj korçarëve dhe në këtë mënyrë do të jetë i pezulluar për duelin me verilindorët. Po jo vetëm kaq, pasi kartonët kanë “sakatuar” shkodranët. Gerlab Smajli dhe Kristi Qarri janë ndëshkuar me kartonë të verdhe, duke plotësuar numrin 4-të të tyre.
Portieri pavarësisht se ishte në stol u ndëshkua me karton. Tashmë Osmani do të duhet të gjejë zëvendësuesit e tyre për sfidën me skuadrën e Bledar Devollit.
Lexo gjithashtu
