Kategoria Superiore do zhvillojë në fundjavë javën e dytë. Në “Loro Boriçi”, Vllaznia pret kampionët e Teutës, të shtunë në 19:45. Për vendasit është një ndeshje e rëndësishme përballja me kampionët në fuqi të vendit.
Për vetë historikun e sezonit të fundit, ku dy skuadrat e mbyllën në krye Superligën dhe titulli shkoi në Durrës për tre gola më shumë, vendasit do duhet të tregojnë forcën. Përballë nuk kanë vetëm kampionët por edhe një njohës të mirë të tyre, trajnerin shkodran Edi Martini që drejton durrsakët.
Një formë “hakmarrje” mund të quhet ndeshja për shkodranët, që kanë bërë thirrje për tifozët që të jenë në stadium, edhe pse në masën 30 përqind.
Loading ...
